error 11:23 22.07.2021 error 299

Ихтисослашган мактабларга қабул имтиҳонлари санаси маълум қилинди

Фото: "Халқ Сўзи Online"

Халқ таълими вазирлиги тасарруфидаги ихтисослаштирилган давлат умумтаълим муассасаларининг 5- ва 7-синфларига қабул имтиҳонлари жорий йилнинг 29-30 июль кунлари ўтказилиши белгиланди. Бу ҳақида Халқ таълими вазирлиги ва Давлат тест марказининг қўшма қарори имзоланди, деб ёзмоқда "Халқ Сўзи Online" нашри.

Саралаш танловлари очиқ катта павильон (хиёбон, майдон)ларда карантин қоидаларига риоя этган ҳолда Давлат тест маркази томонидан ўтказилади.

Ҳар бир фан йўналишида жами 30 тадан тест саволлари берилади ва 60 дақиқа вақт ажратилади. Шунингдек, тест синовлари бошлангунига қадар қўшимча 20 дақиқа вақт тушунтириш учун ажратилади.

Саралаш танловлари натижаларига кўра ўқувчилар баллар кетма-кетлиги асосида белгиланган квота доирасида қабул қилинади.

Эслатиб ўтамиз, бу йилги саралаш танловларида 106 мингдан ортиқ талабгорлар иштирок этади ва танлов натижаларига кўра 34050 нафар иқтидорли ўқувчилар ихтисослашган мактабларга қабул қилинади.

Бизнес