error 21:40 31.10.2021 error 2147

Гулистон тиббиёт коллежи директори маъмурий жавобгарликка тортилди

Барчамизга маълумки ҳозирги пандемия даври ҳали хамон инсоният саломатлигига раҳна солиб тургани ҳеч кимга сир эмас. Мамлакатимизда бўлгани каби вилоятимизда ҳам бир мунча касалланиш ҳолатлари ҳали хамон мавжуд.

Вилоятимиз аҳолиси орасида эпидемиологик вазиятни барқарорликни таъминлаш мақсадида уюшган жамоалар, умумтаълим мактаблари, мактабгача таълим ташкилотлари ҳамда коллеж, лицей ва ОТМларида бир қанча карантин талаблари юзасида тезкор рейд тадбирлар олиб борилмоқда.

Ўзбекистон Республикасининг «Аҳолини санитария эпидемиологик осойишталиги тўғрисида»ги 2015 йил 26 августдаги №393-сонли Қонуни, СанҚваМ № 0145-03 Академик лицей ва касб-ҳунар коллежларида ўқитишнинг тузилиши бўйича санитария қоидалари, ССВнинг 2012 йил 10 июлдаги № 200-сонли буйруғи ҳамда Гулистон шаҳар Санитария эпидемиологик осойишталик ва жамоат саломатлиги бўлимининг 2021 йил 28 октябрдаги № 233/ХС буйруғи ижросини таъминлаш мақсадида Гулистон шаҳар Санитария эпидемиологик осойишталик ва жамоат саломатлиги хизмати бўлими ходими 2021 йил 28 октябрь куни Гулистон тиббиёт коллежига хизмат сафарига юборилиб, тиббиёт коллежида санитария назорати олиб борди.

Санитария назорати вақтида коллежнинг талабалари орасида СанҚваМ №0320-73 ҳамда Ўзбекистон Республикаси Махсус комиссиясининг қарорларига зид равишда тиббий ниқоб тақмасдан, 2 метр оралиқ масофага сақламаган ҳолда, карантин қоидаларини бузганлиги учун МЖтКнинг 54-моддасига асосланиб, коллеж талабалари ҳамда ўқитувчилари орасида карантин қоидаларига риоя қилинмаганлиги учун коллежнинг директори Ф.Н.га нисбатан санитария ва эпидемияга қарши кураш қоидаларини бузганлиги хақида маъмурий баённома расмийлаштирилиб, маъмурий жарима жазоси қўлланилди.

Диққат: Уюшган жамоалар орасида карантин талабларига зид харакатланган ҳолатларнинг хеч бири эътибордан четда қолмаслиги ҳамда қайта огохлантиришсиз масъул ходимларга нисбатан маъмурий баённомалар расмийлаштирилишини эслатиб ўтамиз.

Сирдарё вилояти санитария-эпидемиологик осойишталик ва жамоат саломатлиги бошқармасининг ОАВ ва жамоатчилик билан ишлаш бўлими

Бизнес